Love

Me: Do you have a moment that you don't like mommy (I asked that because I sometimes don't like myself)?
BB: No, I never stop loving you!
Me: Really?!...

I'm really touched by her answer. I don't deserve her non-stopping love to me.

Every morning when my son woke up seeing me, he would say "ma ma, I love/like you." He even kept saying that for 5+ times every morning. When I picked him up from preschool and from day care or when he came back to home, the first thing he said to me, "ma ma, I love/like you." And he won't just say once, he would keep saying that for few times. I believe that he said this "ma ma, I love/like you" to me at least 15-20 times per day and every day. Sometimes I felt overwhelmed and wanted him to stop saying that. But I shouldn't stop him. I should enjoy all these sweet moments. For sure I will miss it when he grew up.

Thank you my sweet daughter and lovely son for your love to me!

·

固執的諾諾

尋晚同諾諾貼膠布在他嘅小小手指上，我將膠布小小打斜的貼上（因為就番個傷口位置）。他立刻想去除咗佢。

我：做咩你，唔好攪啦，如果唔係黐唔番。

諾諾：唔啱（指住塊膠布）

於是我重新貼番正佢。

諾諾：啱啦。

（亞仔有時就係咁固執。佢張床嘅公仔每天佢一定要排番好。做嘢（有時食嘢）一定要跟次序。家姐對鞋有時擺得唔正，佢就要幫家姐排番好先至得。張枱墊嘅公仔上下倒轉咗，佢一定要移番好才食嘢。）

我老公話諾諾呢方面似晒我。

午餐肉蕃茄炒蛋

尋日感恩節我要返工，不能預備晚餐。老公要如常照顧小朋友之餘，他又吸塵做家務，還居然炒了午餐肉蕃茄蛋，同煮菜。十年以來第一次食他嘅炒蛋。ok喎。老公事後話，原來炒蛋都唔容易。老公，其實只要我俾多啲機會你做，第日大排延席都得。正所謂熟能生巧。 :P heehee..

開學了 (下)

今次開學唔單止係BB開學，連細B都開學了。真的好難想像細B讀學前三歲班了(P3)。

以前BB返三歲班時，我並不太擔心，因為她較為獨立，中英言語表達能力上也可以。不過今次細B開學前我真的很擔心，唔係怕他會哭唔肯返學，而係怕他會唔follow teachers' instructions，怕他搶著車車玩具不放。更怕是因為佢仍未處理好toilet trained嘅問題。其實已經用咗好多個月時間去train佢，day care姨姨也幫手，種種方法用齊，都仍冇佢辦法。真係叫人費解，究竟可以點做？佢係一個好stubborn,同好determined嘅小朋友。我相信只要佢決定去做，佢就會做得到，但係要等到幾時，佢先會下決心去做呢？另一方面佢係一個好鍾意同我地"唱反調",鍾意做相反嘢嘅人。有時諗係唔係我地逼得他太緊，而弄巧成拙呢？

自從返學後，佢每日都提住要返學，但佢只需一星期返兩次學。所以近乎每日都要解釋一次至幾次俾佢知道。也由於他太鍾意返學，所以有時唔肯去day care。早上佢都肯起床，聽聽話話，尤其係佢以為去返學。著襪著鞋全自動波。

返學一啲都冇問題，自動埋位，安靜的坐底聽老師講嘢。一可以玩時，第一時間去攞車車，一手即刻拎住幾架McQueen車車！唉，真失禮！之後佢發生咩事，我就唔知。不過暫時還未收到老師嘅投訴。:P

開學了 (上)

已經開了學一星期多，還未有機會寫吓嘢。終於趁著病倒了嘅時間，可以坐底諗吓嘢，寫吓嘢。
話咁快BB已經讀Grade 1，返三歲班就像昨日嘅事。今年好可惜我唔能夠親自送她入課室，因為那朝早遲了下班，趕不及送她上學，當我去到學校時她已經在課室裡。
讀Grade 1絕對係一個新的里程碑，可以話讀書生涯正式開始。她開始接觸更多新知識新事物，感謝天父BB好開心返學去。這幾天她剛學了一啲法文，她很興奮，返到屋企就第一件事話俾我知一啲新學嘅法文生字，雖然我唔知佢講得啱唔啱，但見到她對學習新事物嘅雀躍，我也感到很安慰。

踏入這個新里程碑同時，BB長大了不少，她獨立多了。在八月份期間，她參加了教會嘅day camp，在最後一天嘅活動係去摘果同游水。她是參加者之中，年紀最少的一個，而且她從未自己去做這些活動（一响都有我地陪伴）。摘果我都唔擔心，但游水...佢自己識唔識得處理更衣清潔等事情？佢唔識游水會唔會發生意外？心裡是擔心，但也要學習let go，這次係一個嘅機會讓她成長，讓她唔依賴父母。感謝神，她真的做到了，完完整整平平安安的回來。

經此一事，我更體會到作為媽媽唔係淨係要去保護自己嘅女兒，更要幫助她們學習獨立處事，才可面對困難，面對挑戰。所以我便開始訓練她自己洗澡。開始之時我解釋清楚俾佢知道媽媽嘅用意，唔想佢有錯覺以為媽媽唔想再幫佢，又或者以為媽媽偏心幫弟弟而唔幫佢，又或誤以為媽媽想慳番啲時間；要讓佢知道媽媽仍是愛佢，媽媽只不過係幫她獨立，萬一媽媽不在她身邊，她仍可以自處，就好似去day camp時一樣。她很接受，慢慢的學習。在開學後的第三晚，她自己去沖涼，我本想看一看她怎樣，需唔需要幫忙。她這樣的回應我："No. I don't need help. Mom, no worry.  I can do it all by myself as I did it last night."自那晚開始，她決意自己做，而且好proud of herself。我真的為此感恩。BB, Mommy is proud of you, too.

不單止噉，在同一晚令我好感動的是，囡囡嘅禱告。每一晚我地都會同佢讀經祈禱。以往多是我地開聲禱告，有時我邀請她開聲，她通常都拒絕。但有一次從老師嘅report card裡我知道她有在學校主動開聲祈禱，此後，我更多的邀請她，但大多數嘅情況下她都拒絕，藉口唔識。近一段日子我再多加的要求她，俾十秒時間佢去諗，通常唔使十秒佢就會開聲。不過佢要求用英文去祈禱，當然可以。
那一晚嘅禱告佢講咗好多嘢而且仲用好流暢嘅英文（平時佢講英文並未咁流暢）。最令我感動係，She prayed to God that she wanted to be a real Christian.　我從來未聽過佢講"real Christian"，我地亦都冇講過。我唔知道佢係唔係從VBS或者學校那裡學。但從我心裡我感到很恩惠，很意外。神啊求你應允她的禱告！Amen!
In her prayer, she asked God to help her understand Him and his Word more through reading the Bible.  She asked God to help her to control herself and be good.  She also prayed for 2 other kids from the day care to know and accept Jesus Christ.  She prayed for Japan and China.  She thanked God for her teachers and for the things that she learned that day.  In her prayer, she also mentioned something about faith and also the bible characters that she learned that night.  從她嘅禱告裡我知道她明白那天晚上我地一起所讀嘅聖經。

禱告完咗後，囡囡同我講，有時真的很難做好，我地要靠天父。我給了她一個big hug，而且我同佢講我好proud of her，and her prayer really impressed me.
這一晚唔單止見到她身量（獨立能力）嘅成長，更體會到她Spiritual方面嘅成長。

天父啊求你應允這小女孩嘅禱告，幫助她認識你，在你話語及教導下紮根。幫助我有你嘅愛心與智慧去輔助她。

飲中藥

尋日諾諾午睡醒來後要求飲中藥（通常是asks for snack)，當他要求被拒（因未夠鐘飲藥），佢就喊得好可憐繼續話要食藥...今朝早叫他飲藥時，他興奮地話"yeah"....會有小朋友這樣喜歡飲中藥嗎？

羅漢果水

今日午飯前本來倒了一大杯羅漢果水(苦苦甘甘嘅味)，諗住自己頂硬上飲咗佢（母親大人煲來的，叫我當水飲，話有益。）。誰之EB話佢要飲。諗住佢都唔方會飲得多，因為我自己都覺得難頂。點知佢大口大口的喝，唔肯停。全杯幫我喝完。仲話好味！仔，你真好嘢！若果婆婆知道一定好開心，實行煲多啲俾你飲，不過唔好預媽媽個份。

BB's Drawing Lesson

在上星期一(Mar 28, 2011)，BB終於開始了第一堂繪畫班。自從她三歲開始至今，她都學過好幾種嘅活動，每一次她都蠻開心的。不過今次佢嘅反應就更不同。在上堂之前，佢已經十分期待著；到我接她回家時，她臉上所掛著嘅笑容，那種嘅喜悅，若與以往所學嘅活動比較，今次顯然是最開心嘅一次。

那天老師讚她做得不錯，也很專心，而且好開朗有好多嘢講。老實講，在過往她所學的每一樣活動時，她都不太專心。唔知係唔係因為以往那些活動我或者Bear在場嘅緣故，或是她真的太喜歡畫畫呢？

那天老師給了她小小功課，臨離開時，老師問她記唔記得有咩功課，她都立即回答了。可想知她真的有留心聽老師嘅說話。回家後，她便立即完成她的功課；而且重新畫了一幅在上課時所畫嘅畫。當我對比兩幅畫時，新畫中多畫了一些很得意嘅八爪魚，我是從未見過她這樣畫的。於是我問問她。她告訴我她是copied from 另一幅在課室內嘅圖畫。即是她看完別人嘅圖畫，然後回家後畫出來。我覺得好amazing!若果她是即時看著另一幅畫而去畫出來，我絕對不會驚訝。但係她能記在腦中畫出來，我覺得絕對不是容易嘅事。

今天是BB嘅第二堂。尋晚佢已經好興奮問著係唔係去上繪畫班。今朝早晨出門口返學時，佢已經攞埋上繪畫班嘅袋出門（平時她學其他活動時，她都未這樣做過）。不過俾我們阻止了她，笑她傻豬，因為當我去學校接她時我便會帶去。
很多時去學活動時，她都是在車上睡著了，每次都好不容易才弄醒這大小姐，有時她甚至發脾氣唔肯落車去上課。今次如常睡著，但卻一叫即醒全冇脾氣或怨言，立即下車入studio就坐，準備上課。罕見的一次。

今次是由Bear接她從繪畫室回家，Bear轉述老師嘅說話。老師讚BB對繪畫好有Heart，他話他是第一次聽見一個五歲嘅小朋友話要返屋企多啲practice。他說BB上完這個beginner section (8 lessons)，應該可以升Level one。而且她揸筆嘅手勢還比一些Level one 嘅小朋友要好。Bear還告訴我BB第一堂嘅畫已經貼了出來（噢，我冇諗過老師會在畫簿內撕下圖畫，我還以為可以keep住所有圖畫在畫簿內。）。

無論BB係唔係真的如他所讚那樣都不太重要，最重要係BB得到鼓勵，繼續努力，繼續用心的去畫去學，開心享受這個學習及繪畫嘅過程。

在以往的日子裡，我們都知道她很喜歡畫畫。不過外於很多原因，我們都未有為她報繪畫班。當我同Bear決定讓她一試時，但在未報名之前，有一天她哭著說：我想學畫畫，點解我畫嘅畫咁差，點解我畫得唔夠人地嗰啲靚。
我當然立即鼓勵她一番，而且以佢嘅年紀來看，我根本唔覺得她畫得不好。不過聽見她這樣嘅一番話，我也有點心痛呢！不過現在見她咁開心去學，我也很開心。多謝天父。

兒女生活點滴...

尋日早上，老公望住個囡，突然就話佢好似我。
我就問個囡：你似唔似媽咪？
囡：唔似！我"曳"啲。
實在笑死我！總算佢夠坦白，有自知之名。

*******

尋日晚上，在朋友家中開小組時，個仔好"曳"。掛住玩唔肯食飯，硬頸到不得了。之後同其他細過佢嘅小朋友玩，佢就唔肯同人分享，又死要爭回被攞去嘅玩具。回家時係又要攞人地屋企個氣球，當然我地唔准佢攞。其實我地嘅車內佢已經有一個氣球，不過佢死堅持唔要自己原先果一個，而要人地果個，原因係佢喜歡後者嘅顏色。就係為咗一個得唔到嘅氣球，佢回到屋企後，好似發咗顛一樣，喊到七彩，發顛地喊咗成半粒鐘，喊到好似我地虐待佢噉。最後我攪掂咗佢唔再喊，乖乖上床瞓覺。雖然佢已經有番笑容，但係好奇怪地佢仍然發出好像哭泣聲/哀鳴聲嘅呼吸。我諗他實在哭得太激動，過咗位以致到身體還需要一段時間平伏。做母親嘅當然感到心痛，只有攬著他錫錫他。希望他可以安心入眠。

病

每一次病嘅時候，我都好掙扎，究竟我應唔應該返工？大病當然就不能上班；但有時是一些嘅感冒，精神上還是可以支持得住，可以做到一般嘅工作，那又如何呢？若果我只是做一些文職嘅工作，對事不對人的話，好自然就會去返工。但我工作嘅性質，卻是要對人而且係對著一些病人，有時真的很難抉擇。為了病人及自己同事嘅健康，有時真的覺得唔應該返工。但明明係行得走得卻唔做嘢，心裡實在係有啲不好意思。一方面怕因為自己嘅缺席，而唔夠人手做事，加重同事嘅負擔。另一方面可能心裡好怕被人誤以為懶，怕被人誤以為用病假來乘機放假（因為實在有啲人請唔到假，就濫用病假）。另一方面又覺得，其實行得正企得正，又怕咩被人亂話呢！若果醫院有清楚關於請病假嘅指引，那就好嘞。

意外驚喜

昨晚（情人節前夕）我與朋友出外吃晚飯，回到家後，居然唔見咗老公與仔囡，原來他們去了超市買麵包。 他們回來後，我便立刻去照顧仔仔，get him ready to sleep。一邊幫他換片時，與他閒聊。 問問他開唔開心行街街，乖唔乖，又問他買了甚麼？
他居然答我：買花花，起車車度。（意即買咗花花，擺咗起車裡面。） 我冇諗過佢會這樣答我。係唔係佢亂咁講？還是佢真係爆了秘密給我知？
於是我再問佢除咗買花花仲買咗啲咩嘢，佢都答得啱。
所以老公想做嘅意外驚喜，敗事了。當然我仍裝作不知，等了成晚，直到他送上鮮花。 當我告知他敗事時，他感到意外的是原來係仔仔爆料。哈哈！
雖然事情是這樣嘅發生了，但我的確也曾感到意外。謝謝老公！謝謝他親手插好啲花！

Our conversation: Death, Marriage and God

Our conversation during BB's shower time...
Me: Auntie嘅公公passed away.
BB: 噉佢係唔係好傷心？有冇crying呀？
Me: 我諗應該傷心，可能都有喊！即係如果你公公passed away 你都會好upset啦？
BB: 唔會upset。因為he can see God and will be with God. This is what I pray for him every day (actually,佢為grandparents信主祈禱）.
Me: 呵！...（隔了一會我又問）即係如果媽媽passed away你都唔會upset啦?
BB: 係呀唔upset。我唔會feel lonely 架。Because God is always with me. And I will marry a guy...a guy who believes in God. So, I won't feel lonely.
Me: "a guy who believes in God"?
BB: Yes..Have to find a guy who believes in God. If I can't find one, then I can't marry...then I will be lonely. But God is with me.

(我心裡真係感到非常嘅意外，very impressed.我唔知道佢怎樣學番來，但係佢既然有噉嘅諗頭，要去搵一個信主嘅配偶，
我心裡實在很安慰。盼望神嘅教導，神嘅話語繼續帶領她當想當行嘅事，盼望她在主裡有堅固嘅信心。)


-----------------------------------------------------------------------------------
在今天星期六嘅早上，囡囡瞓醒覺走過來我的房間（我還在睡夢中），坐在椅上對我說她昨晚所發的夢。
BB: Mom, I had a dream. 我見到天父in my dream and he spoke to me. I'm so excited. That's why I have to tell you now.
Me: 係，噉你見到咩？
BB: 我見到佢好似我地噉有眼耳口鼻，不過佢又好似女，又好似男噉嘅樣。仲有一啲光。
Me: 你點知佢係天父呀？
BB: Because He talked to me from the top. 不過我唔記得佢同我講啲咩嘢啦。
（跟住佢講咗一番說話，我已經唔記得。然後佢又繼續話。。）
BB: God talked to me. He told me to listen to Him. And I said to him: "I won't disobey you."
Me: 咩話？你話你會disobey him?
BB: 唔係呀，I said "I won't disobey Him". I'm very excited to see Him in my dream and He talked to me. That's why I have to tell you now.
Me: Good. 噉你記得你要obey Him 嘞！
BB: He told me that I have to do things by myself, like brushing teeth, wearing clothes...
Me: Yes, yes...good..
（佢繼續講咗好幾次I'm very excited to see Him in my dream and He talked to me. That's why I have to tell you now.）

咁啱之後在崇拜時，牧師講到主復活後，主顯現時嘅形象與大榮光及祂所作嘅工，真係好叫我不斷反複思想神嘅說話。

Sweet Moment (Feb 3, 2011)

尋日接囡放學時，同佢去洗手間時嘅對話...

囡：我今日起學校去厠所時，諗起你。Thinking of you..think..

我：淨係去厠所時先至諗起我咩？

囡（笑得好甜好甜憾回應）：I think of you while I'm playing. I think of playing with you.

我（心都甜哂）：係唔係架！

囡（笑得好甜好甜憾回應）：I am thinking of you being with me and playing with me on Pro-D day.

(coming Fri will be Pro-D day)

我：icic..你好sweet 呀！

EB與車車

唔記得幾時開始，EB愛上了車車這個玩意。當佢見到任何同車有關嘅嘢，他都不停的叫著"車車，車車"。
起床嘅時候要著車車衫，要揀車車襪。甚至有一段日子當冇車車衫著時，他不肯換衫，不肯罷休，簡直係頑固得很。
為免早上繁忙時間同佢作不必要嘅糾纏，惟有買多一兩件車車衫去替換，Auntie還突意買下一set六對嘅車車襪送給他。
近日著衫嘅問題已沒有之前噉嚴重。
不過佢仍然係手不可離車。佢唔係一定要手揸玩具車，而係佢一定要揸住佢本貼滿車車嘅sticker book。總之一起床，
就要攞著本車車sticker book；若見唔到本車車sticker book，就連至愛嘅奶奶都唔要，"死燦"到底。本車車sticker book簡直成為咗佢嘅"命根"。
沖涼時佢會放底本車車sticker book，但一上水就叫個不停"車車"（意思係本sticker book），當我唔俾佢時，佢就大叫大喊。
今晚同佢沖涼後一樣如常，令到我有啲唔耐煩。
我：成日都話要車車，要遲一陣唔得咩，媽咪又唔係唔俾你，只不過叫你等一陣間。
EB一於無理攞住本車車sticker book好開心話：車車，車車。
我：媽媽不如唔要你嘞。
EB：No，唔好！
我：唔要囉！
EB：No，唔好！（根住攬住我）
我：要唔要媽媽？
EB：要，要媽媽。（又再攬住我）
我：要媽媽，可唔可以唔要本車車sticker book，放底佢？
EB二話不說便放底了本車車sticker book，然後話：要媽媽。
他嘅舉動實在叫我估唔到，原來我在他心中嘅地位係咁高。
冇幾耐佢又再攞起本車車sticker book（當時我仍在幫佢著緊衫）睇又睇。
為了再測試他，
我又問：要媽媽，可唔可以唔要本車車sticker book，放底佢？
他仍然選擇放底本車車sticker book，然後話：要媽媽。
當然我心都甜晒。

著好衫吹頭後，佢走上我嘅床上，我便與他玩一會。
我：瞓覺嘞！
EB：瞓覺，同媽媽瞓。（根住挨過來瞓起我身邊，笑得好甜。）
玩了一會，
我又問：要媽媽，定係要車車？
EB望住我傻笑。
我又問：要媽媽，定係要車車？
EB仍然望住我傻笑。
我又問：要媽媽，定係要車車？
EB：heehee要媽媽。

我心裡的確好滿足，然後帶他去佢自己間房瞓覺。

BB學中文

每晚臨瞓前都會同個BB讀bible同埋禱告書。本兒童禱告書是中英對照的；這樣我也同時教她認中文字。

Oct 29晚讀到嘅題目係"母親"。

我：知唔知"母親"係咩意思？

BB：唔知。

我：係Mom,mother嘅意思。

BB：係咪即係媽媽，媽咪呀？

我：係呀，不過中文傳統嘅寫法就係寫"母親"。

BB：噉daddy嘅中文係咩呀？（她偷看一吓下一頁嘅題目）

我：咪係"父親"囉。

BB：係咪跌"親"?

我：（我即時好大反應）吓？？跌"親"點會呀?（幾乎笑死）

BB：唔係，我即係話個"親"字，佢地一樣音。

我：哦！"親"字嘅音係一樣嘅（我心諗我都唔係好知跌"親"個"親"字係點寫。）

EB 語錄

晚上準備同EB 上床瞓覺時嘅一段對話：
Mama: 要瞓覺嘞。
E: NO..我要玩車車。
Mama: hmm..瞓醒覺先嘞。
E: 瞓完覺玩車車..
Mama:（突然記起自己講錯嘢，所以要立時更正）呀！瞓醒覺要去Auntie Grace到。
E: 瞓完覺去Auntie Grace到食Cheerios..


另一段對話：
E: Good Morning,mama!
Mama: Good Morning!瞓醒未呀？
E: 瞓醒啦。
Mama: 起身換片片(diaper)。
E: 奶奶，奶奶（指住杯奶奶）。。
Mama: 換好衫先啦。
（飲完奶奶，佢就沖入洗手間）
E: 刷牙嘞
Mama: 之後去Auntie Grace到嘞。
E: 去Auntie Grace到食Cheerios..


另一段對話：
Mama: 要沖涼，瞓覺覺嘞！
E: NO..
Mama: 夜嘞，要上去沖涼，瞓覺覺嘞！
E: NO..
Mama: 要唔要奶咀呀？
諾諾雙眼好似發光一樣，即刻跟住我上樓上。尾隨邊叫著:奶咀.奶咀.奶咀.奶咀..
Mama: 除衫沖涼嘞..
E: NO..要刷牙嘞..
Mama: 沖完涼先.
E: 沖完涼，吹頭，刷牙，瞓覺！
Mama: 係呀！
跟住先肯除衫沖涼。

我們的見證－輯自建道畢業生見證集

我的見證
神學文憑
（修畢年度：二零零九年）

感謝神！若不是神的恩典與祝福，我相信我並不能在這幾年間內完成這個神學文憑課程。

在修讀這個課程期間，我經歷了兩度的懷孕生子。神的幫助實在很奇妙！雖然生活的轉變、家庭及工作的忙碌，丈夫和我卻沒有因此缺席每一季的課程，我們都能如期完成課程，同期畢業。在修讀課程的期間，有時我們需要携同初生的兒女一同上課。感謝神我們得到Estella「校長」，老師們及其他同工的幫助安排，及至同學們的包容，我們才可繼續上課。此外，也要藉此機會多謝一些弟兄姊妹及家人，抽出寶貴的時間在我們課堂期間，幫助照顧兒女。

我真的很享受在過去四至五年課堂的學習，因為老師們悉心的教導，實在叫我獲益良多，眼界大開。自小信主的我，對聖經的教導也有基本的認識，但在課堂上聽見老師們的教導及同學們的分享，更自覺自己只是一隻井底之蛙。神的話語實在很寶貴很奧妙，我實在需要更努力的去研讀，以致我更能體會神的心意，按神的意思去生活及事奉祂。



老公的見證
神學文憑
（修畢年度：二零零九年）

這全是神的恩典！

能夠有機會參加「建道」的課程，不單是我的榮幸，更是神恩待我忙碌於每一天的生活之中仍有機會接受一些優質的神學教育。

礙於課程的範圍及時間所限，雖然所學的每一科目未能作很深入的鑽研，但已經足以令我大開眼界，也給我稍微體會到神學的深與廣。在學習的過程中，老師們不單是傳授神學知識，他們也會分享他們對信仰的態度，看法及經歷。這些實在對我在認識神、明白聖經及在生活中活出信仰有很大的幫助！

感謝家人及弟兄姊妹，在要上課的日子，願意幫忙看顧我們的孩子。

感謝內子在過去的日子對我的支持，特別是在趕功課的時候，能讓我去專心完成而不需要理會家務及照顧小孩。今天能學成畢業，你們真是功不可沒！

願意在往後的日子，能將所學到的去努力事奉神和幫助弟兄姊妹更認識祂！

「至於我和我家，我們必定事奉耶和華。」（書二十四15下）

Thanks God for giving me a very good husband

早上八點鐘，剛送走了公老及兩個小寶貝。多謝神給我一個愛家庭及愛我嘅老公。

差不多每朝早佢都負責起這個重要嘅任務，蛓兩個小寶貝返學同返day care；到他放工時，佢又要去接番佢地返屋企，以致我可以安心去弄晚餐。
當遇著我要上班的日子，他便要更勞苦，一手攪掂兩個小寶貝嘅一切需要。若遇著佢地懶睡，扭計，可花嘅功夫與耐性，就更大。
有時我諗假若我返了天父那裡，我仍有信心他攪得掂撑得住依個家。
老公，你真係一個能幹嘅人，係一個好丈夫，好daddy。多謝你為我地嘅負出。

Birthday Celebrations with my friend

This free scrapbooking design created with Smilebox

神創造的美麗

今早揸車由Van 返Rmd 經Arthur Laing Bridge，望見好靚嘅藍天與白雲，真係實在感受到神創造嘅偉大！Amazing!! Praise the Lord!　 好想將這咁靚嘅畫面影底，可惜是一個人揸梗車，所以唔能夠影相。

昨日在Rmd揸車時， 我也見到好靚嘅雲彩。好似見到一個年輕慈祥嘅母親側面卧著嘅面容，好清楚，好靚。

又在上星期，正準備同BB落車之際，BB立刻指著啲雲，然後話好似個"Y"同"R".今次因為唔係揸梗車，所以我就用手機影底佢。似甚麼形態，就真係好是乎你點睇。但我都覺得有啲似"Y"。







雲變化不斷，可以在數秒間便過去，繁忙嘅都市人，又有幾可抬頭去欣賞一吓神創造嘅奇工。希望我地都可停留多一會去欣賞神賜給我們的一切。

閒談

上一個星期，當我同BB沖涼時嘅對話。
BB：等我第日同細佬做咗daddy同 mommy，我地會有好多小朋友。
我：等你地做咗daddy同 mommy？
BB：係呀，等我同細佬一齊做咗daddy同 mommy。（我覺得她好似攪錯咗concept)
我：你同細佬唔可以一齊結婚，唔可以一齊生baby。姐姐同細佬唔可以結婚，唔通SaSa同Harmony一齊結婚咩？細佬要搵另一個女仔結婚；而你要搵另一個男仔結婚。
BB：（佢好大反應話）No.唔得架！我唔可以冇咗個細佬。
我：點會冇咗個細佬呢？媽媽結咗婚，仍有妹妹。即係你嘅姨姨，係唔係？
BB：係！不過去邊到搵個男仔？佢係點樣？
我：（我心裡在滴汗，點解問啲咁嘅問題？）哦！你要等第時先知嘞。要問神喎。
BB：幾時？
我：大個嘅時候，適當嘅時候囉。（立即轉換吓話題）你好想第日生baby咩？
BB：係呀，要生好多個。（唔記得佢係咪話十個）
我：咁多？你好鍾意呀？
BB：係呀，好玩啲。
我：SaSa話佢唔結婚要跟住佢嘅daddy mommy,佢又話唔要生baby喎。
BB：點解？傻嘅咩？（佢嘅口頭禪）daddy mommy第日老咗要返天父到架。

之後嘅對話我就已經唔記得咗。

Removal of 1st baby tooth

BB's first baby tooth was taken out by dentist yesterday. She was very excited before the dental appointment. She was so brave and behaved very well during the procedure. I'm so proud of her. Too bad that I couldn't be there with her as I was sick and stayed home.



In the last check-up (around mid-Apr), her dentist told us that one of her permanent molar had already appeared and one of her front tooth was loose. Usually, the permanent teeth will grow at around age 6 or 7. But she is under 5yrs old, so it is quite early at her age to have permanent teeth.




Then in the end of Apr I noticed that a tooth appeared behind her loose baby tooth. Since her dentist was away, we had to wait for his return (for about 2-3 wks). Thanks God that she had no pain and no discomfort at all. She didn't even realize that there was an extra tooth in her mouth until I told her.




After the removal of her tooth, her dentist saved her baby tooth in a cute tooth-shaped container. I'm going to keep all her fall off teeth in the coming few years.

送給我的餅餅

今日BB在學校焗咗塊曲奇餅給我。在下午時我與 Bear 分了一半來吃。當晚飯時Bear告訴 BB，佢食過她整嘅餅餅時， BB好大反應。
BB：塊餅係俾媽媽食架。
媽媽：我有食呀，不過我同daddy share 。
BB：唔得share呀，因為係俾媽媽架。
媽媽：媽媽成日都同daddy share個喎，share就啱。
Bear： daddy冇餅喎。
BB：我今日唔記得整兩塊，下次先啦（其實佢整咗兩塊，不過自己食了一塊，留番一塊俾我。所以我諗佢嘅意思係整多兩塊。）
跟住就冇再講這個話題。
不過做媽媽嘅我，我心裡感到很開心，因為那塊餅係佢對我嘅一份心意，佢想全心送俾我，唔想俾人同我分咗。有時小朋友嘅諗法係好得意嘅。

EB's buddy 下集

上回講到，EB 只對佢嘅藍 bear bear 情有獨鍾。不過，隔了一段時間之後，佢唔單止鍾意藍 bear bear，而且仲好鍾意橙 bear bear同埋Pooh，每晚佢都要攬住三隻公仔瞓覺。 最近我地佢旅行我都帶埋那三隻公仔同行，陪佢瞓，免得佢唔慣。在旅行期間，當我地入到舖頭，EB 見到有Pooh 賣時，佢都要攬住隻Pooh 唔放。最後Bear 也買了隻Pooh 公仔俾好。所以而家佢瞓覺唔再只係攬住三隻公仔，而係要四隻公仔。真攪笑，成個女仔咁。

朱古力

上星期復活節前，Bear送來了一隻大朱古力免仔。我從來都冇諗過要買一隻咁樣嘅朱古力，因為覺得大隻唔知點樣食，而在我印象中我也從未收過這樣嘅朱古力免仔。不過因為係Bear 送嘅緣故，我都覺得幾開心，幾得意。我地仲一齊分享。原來裡面是空心的，所以並唔係想象中要食咁多朱古力，而且仲係自己鍾意嘅 milk chocolate。


另外，Bear嘅嬸嬸在再早一個星期前也送來兩個大"蘋果朱古力"（朱古力包住一個大青蘋果）。看是很吸引，而且我地都未試過，仲係出自名門，所以同Bear便一齊試試。 嘩，個青蘋果太酸啦，加上朱古力面上有太多nuts，我地都頂唔順。Bear已經俾我叻，食咗大半個，而我就早早放棄了（事關我好唔鍾意食酸嘢）。還剩番另一個"蘋果朱古力"，看來我地都冇興趣再試了，掂處置好呢？

旅行

去旅行真係一件好疲累好煩嘅事，尤其當你無時間去預備，但又逼到埋身嘅時候。這幾天我同Bear都要晚晚開夜車搵資料，book酒店，機票等。每日都瞓得幾粒鐘，未出發都已累死，到時都唔知仲有冇精力玩。

感謝神！

自從EB出世後，BB開始有咬手指甲嘅習慣。起初我們都不太明白為何她會這樣，因為屋企人，朋友或其他我們熟悉的小朋友裡面，都沒有人有這樣的壞習慣。所以當突然發現她這種行為時，覺得很意外。只有時常叫她唔好再做啦，又解釋給她知道，但都冇效，而且更變本加厲。後來再想深一層，她這樣嘅舉動是在弟弟出世之後發生。而且在弟弟出世後，她好容易就妒忌EB，有時候她會話唔喜歡細佬。由於這樣，我相信她咬手指甲嘅習慣是基於妒忌弟弟，爭取注意而致。

在過去年多嘅時間裡面，我們都用不同的方法去嘗試停止她這個壞習慣，軟功硬功都出齊。我們又同她一起為此事禱告，當然還嘗試去給她多一點空間及注意她等，當其他人的焦點去了EB身上時，我第一時間去逗她讓她知道媽媽關心她，但都未能去解決壞習慣的問題。

直至近這一個星期，我突然發現她的指甲有增長，而且指甲邊整齊多了，原來她已自動停止了咬手指甲嘅習慣。於是我便立即讚她，鼓勵她，而且亦立即告訴Bear，又轉告了day care 嘅Auntie知道。大家都為她興奮，她自己也很開心。

經過了超過一年半在這壞習慣上的糾纏，居然在不知不覺間她自己終於停止了。我實在覺得這是一個奇蹟，好開心，實在藉得感恩。等了超過年半嘅時間，終於有機會同BB剪了一次"真正"嘅完整嘅手指甲。這幅相就是已經剪了指甲後影嘅。

即興攪攪新意思

EB好鍾意帶姐姐嘅headband，尋日當佢帶緊時，突然心血來潮，所以立即找了姐姐嘅一條舊裙出來，幫他穿上。估唔到又幾啱身喎....哈哈，又幾靚幾似女仔喎!!佢仲覺得好新奇tim。我這個曳曳媽咪 :P !



不過姐姐返到屋企見到細佬咁樣就唔多高興，發晒佢啲脾氣(皆因佢啲醋意又大發）。喊著話細佬唔可以咁樣，佢唔係女仔，唔可以著裙，唔要佢變女仔，唔要佢變妹妹。當我解釋俾佢聽，媽咪只係玩吓，覺得好得意，問佢覺唔覺得好funny。佢就話細佬唔得意，唔funny...哄了她一輪，事情才得了結。

跟著我地一家去了餐廳食飯，食得好開心。佢地兩個仲好開胃tim。總算係relax 嘅一晚。

過馬路

點解依家啲人噉冇安全意識？完全唔會為意自己响馬路度行，尤其係一些內街嘅馬路，究竟係當啲車透明，抑或當自己係無敵鐵甲人撞唔死啦？又或者諗住攞傷殘金過埋下半世？只怕一秒間連下半世也冇得過。
有時揸車真係好怕見到啲人亂過馬路，後生嘅係噉、老嘅又係噉，就連拖男帶女，推埋BB車，都一樣係噉。佢地有冇諗過佢地係响度害己害人？！其實啲司機唔係個個係"神車手"，唔係個個都一眼關七反應咁快，可以即刻煞車。尤其依家仲有好多人，仍邊講電話邊揸車。
好似今日見到一大班人（五個人以上），有老有嫩，相信是一家甚至是兩家人。他們就係打橫行在條馬路上，全部人排開一字咁過馬路。他們迎頭有車，背後又有車正轉梗彎尾隨他們。他們不單止慢慢行，又唔拖住啲小朋友。其中一個頑皮仔仲突然停在路中間，並伸出手嚇人狀去虎嚇迎頭來嘅司機。那司機就係我，我當然沒有被他嚇倒（我本想嚇番他去給他一個教訓，但最後沒有做到），那時佢嘅媽媽先至識得叫住個仔。Sign!若果有意外，恐怕那時已經太遲了。
做父母嘅真係要以身作側，好好教導自己嘅小朋友，小心過馬路。"馬路如虎口"係冇錯，唔好到有意外嘅時候先至嚟後悔，就太遲了。

EB's buddy

每一晚EB瞓覺時，有兩樣嘢是不可小嘅：第一係奶咀，第二就係佢嘅小寶貝，藍色bear bear。
記得從他六個月後肯瞓自己張BB床開始，我就擺了好幾隻可愛嘅公仔在床尾，一方面點綴一吓，另一方面就當給他幾個伴。不過佢都沒有甚麼攬公仔嘅習慣，亦冇抗拒，只係偶然攬吓或者玩吓。我諗或者因為佢係男仔卦！
不過，唔記得咗幾時開始，佢開始好鍾意將床上嘅玩意同埋公仔拋晒出床，攪到我要成日同佢執。由那時開始我就將佢床上嘅公仔全部攞走，放在床側邊張椅上。間中我又會攞隻公仔同佢玩吓，但佢都有點抗拒，所以跟住一直佢都冇再玩那些公仔。
不過又唔知從幾時開始，佢又開始攪吓啲公仔，慢慢佢仲開始攬公仔瞓覺。不過在咁多公仔裡面，佢對藍色bear bear是情有獨鍾，其次就係隻橙色加州bear bear。
近幾晚我都整蠱佢，專登攞其他公仔俾佢，佢都擰晒頭，甚至開始有啲唔耐煩。跟住我一攞出藍色bear bear，佢就當搪笑晒。有時又將隻藍色bear bear攞高，扮俾佢但佢又攞唔到，佢嗰種想要嘅表情，真係好攪笑。
尋晚心血來潮想同佢嘅藍色bear bear影張相，於是便諗住從佢手上攞過來。點知佢以為我想搶佢隻bear，所以佢就攬實，仲要轉埋身唔俾我攞，總之就笑死我。不過佢最後都肯俾我攞去影相，跟住我就快快趣趣俾番佢瞓覺！

Coffee

以下係老公話俾我知有一日佢去接BB時，BB睇見佢杯咖啡時同佢嘅對話。
BB: daddy, 你又要double double coffee呀？
Daddy:吓，你點知？
BB:你以前就要Ice Coffee Vanilla small，但係而家無Ice Coffee，所以你要 double double 囉。

事原我們差不多每個星期六早上返church 之前，都會去M記買早餐，老公一定會買一杯咖啡。以往他都會要 Ice Coffee，但最近M記話已沒有Ice Coffee出售，所以老公唯有要普通熱咖啡。
我地都好驚訝BB會留意到這些小事，所以千祈唔好忽略小朋友嘅觀察力。

Brave girl and boy

Today I took both kids to have their shots from my GP. BB only got her H1N1 shot, but EB could have both H1N1 and the seasonal flu shot. GP gave the shot to BB first. She was so brave and she didn't cry or not even say anything.


Then my GP gave the first shot to EB. I had to use all my strength to hold on to him as he is too strong that we were afraid that he would move or kick while he got the shot. And I gave him the cereal container to play with while he was having his shot. He cried out (not a real cry) kind of like making the humming sound once and then stop making any noise as he was waiting for having his cereal puff. Then my GP came back to put a bandage on EB, he was making "er" to her but then he kept quiet again as it wasn't pain.
Now it's time to have the 2nd shot. We were thinking that he would cry loud and move around this time. Surprisingly, he didn't make any noise instead he looked at what the Dr. did. That's. Then, he enjoyed his cereal puff again. No tear, no crying and no yelling. My GP was amazed to their reaction. She said that her kids (around age 7-10) were not even better than my kids.

Good girl and Good boy! Mama feels proud of you two.

Today Dr also did a check-up for EB. His weight was 26lbs (which is 60 percentile, yes my heavy boy), height was 80.5cm (only 40 percentile) and his head size was 48cm (50 percentile). He is in 16 moths old. Yeah, EB is growing ok. Thanks God!

母女對話

有一晚，BB 講三隻小豬嘅故事俾我聽。
BB: 從前有隻豬媽媽，佢有三隻豬仔。豬大哥好懶好鍾意瞓覺好似daddy 噉。
我：哦！好似daddy？haha...
BB: 係呀！豬二哥好為食好似我噉。豬弟弟好勤力好幫豬媽媽手，就好似我媽媽噉。
我：哦！豬弟弟似媽媽咩？haha...

－－－－－－－

有一晚，BB 看完了花auntie & M uncle嘅結婚場刋內嘅有趣相片。
BB: 佢哋做梗咩？
我：花auntie在洗碗，M uncle在打機，唔幫手囉！另一幅相M uncle做家務，但係花auntie在嘆茶茶睇電腦！而另一幅相M uncle弄到嗰煎pan出煙，但花auntie唔理佢，只係掛住食嘢囉！
BB: 好似媽媽你起到做嘢，而daddy唔幫你手咁曳曳！
我：吓？唔係！。。媽媽洗碗，daddy 幫我手陪你地玩。我同daddy一人做一啲嗎，we share the works！你唔想daddy陪你玩咩？佢唔係同你玩梗咩？　
BB: 想。。但係佢瞓咗覺喎！
我：哦！！

－－－－－－－

有一晚，BB 與我短短嘅對話。
我：daddy 最叻係啲嘜?
BB: 唔知呀？
我：係唔係瞓覺？
BB: 係呀！daddy 最叻係瞓覺。我最叻係食嘢。細佬最叻係食嘢。媽媽最叻係做嘢。
我：haha..媽媽最叻係做嘢？
BB: 係呀！

意外

昨晚我們回到我的父母家吃晚飯，我們帶備Wii 去讓 BB 玩。當我與父母還在飯廳之際，突然傳來打破玻璃嘅聲音。本以為 BB在客廳那邊打碎了她手中吃生果的碟，立時跑出去看，但見BB 仍在專注地享受著她的生果，沒有理會所發生的事。究竟發生了咩事？原來是Bear 在玩Wii 時，成嗰 remote 飛了出來，擊向牆角的擺設，其中的一個玻璃音樂盒落地，玻璃部分立時碎了，而音樂盒再不能發出音樂來。好在只是損失了一個音樂盒，而不是那個大電視機，更不是擊中 BB（她就坐在咫尺）。
事發後 BB講了好幾次 "daddy 傻豬咁唔小心整爛嘢"（平時做錯事通常係佢，難得有機會可以去話人哋，所以她便講了好幾遍）。

回家後， BB問了我一條問題：點解你的媽媽唔鬧 daddy 嘅？
我：哦，因為daddy只不過係唔小心啫。你咁樣問係唔係因為你做錯嘢時，媽媽同daddy會鬧你呀？
她沒有回應，我便繼續解釋：你平時做錯嘢會被人鬧，原因唔係因為你唔小心做錯嘢，而係因為你冇聽daddy媽咪話而去做了曳曳嘢。所以問題係你唔聽話，而唔係唔小心做錯。如果你聽話無曳曳，咁就唔會被人鬧囉！
她好似明白了，但又好似唔明。跟住佢又轉了另一個話題。

見證受感

在上星期崇拜時，有一位八十高齡的長者分享她的得救見證時（雖然佢自己唔能夠親自開聲分享，而需要女傳道代勞。），我實在覺得很感動。我並不是因為被她見異象發異夢所吸引，當然我實在很為到她獨有的經歷感謝神，為到神改變了她而感恩。
我受感動的是在她閱讀能力有限的情況下，她每天花上3-4小時閱讀神的話，而她在短短信主的時間內已經完成了舊約聖經，現在已經讀到新約聖誕經部分。有人可能會話老人家有的是時間，緊係可以花上咁多時間讀經啦。但可有想到老人家嘅精神及集中能力是很有限，加上視力衰退，就會令其閱讀嘅能力減低。而者那位婆婆並不是甚麼學問家/讀書人，她只有幾年讀卜卜齋嘅讀書經歷。雖然我唔知道讀卜卜齋，究竟是甚麼一回事，但我可以肯定她識字能力有限。雖然如此，她仍能努力堅持，不懈地去讀聖經，這實在成為我們當學習嘅榜樣。
我們現在一般人都有識字能力，甚至擁有至少一個學位嘅程度，我們嘅閱讀速度與理解能力想必比這位婆婆快及容易掌握。我相信我們若要讀同一段經文，我們所要花嘅時間必比那位婆婆所要花嘅時間小過一陪或以上。所以問題唔係我們得唔得，而係我們嘅心肯唔肯。我們有沒有那份如鹿渴慕溪水嘅心，去渴慕神嘅話語。希望我們都一同努力追求學習神的話！

我的牧者－PC

昨日在會員大會臨結束之前，來了一個驚人但十分重要嘅宣佈，我們嘅主任牧師(PC)宣告early retirement, 並在今年年底前離任。屈指一數，他已在我們嘅教會事奉了廿一年嘅時間。廿一年絕對不是一個短嘅時期，我們教會在今年六月剛過了32th 週年，所以PC實在與我們嘅教會一同走了唔小嘅路程，經歷了唔小嘅風風雨雨，也同時見證神豐富嘅恩典。要去管理一間咁多人，且又人事複雜嘅教會，實在唔易。

我在這間教會剛過了14年，也認識了PC有13-14 年嘅時間。還記得那年，是他幫我施浸。平時PC在講台上很小提及自己嘅家事，所以有些人會對佢嘅背景很有興趣，又有些人覺得他遙不可及。但當我認識他多咗，我卻覺得他容易接近，在平常對話裡他也會透露自己嘅事，他並不是那麼神秘。其實要認識我們嘅牧者，也好事乎我們有無主動佢跟他交談。

有一樣事情我很欣賞他，就是我覺得他為人謙卑。他雖有博士學位，但他從不掛在咀邊，也從不需要別人稱呼他甚麼博士（我在很偶然嘅情況下，才發現他是博士），一句 “牧師” 或者 “PC” 簡單嘅稱呼便已經足夠。而且他為人較為低調慕實，從不爭風頭（至少我從未見過他有任何爭風頭嘅時候）這也是我欣賞他的地方。

距離他離任，只有兩個多月嘅時間。相信教會將會面臨很多新的挑戰，祈求天父帶領我們教會同心面對每個挑戰，及祈求天父為我們預備合適嘅主任牧師。也祈求天父賜福給PC，給他能力繼續在不同層面上事奉神，完成神交給他的使命。

Thanks God and thanks for our friends and relatives

Thanks God that both Bear and I got the diploma certificate from Alliance Bible Seminary (建道神學院) last Thursday night! I thought that we have to wait till the graduation ceremony in next year to get it. We were very excited to look at our certificate and report card that nite. Thanks God that we accomplished this part-time course in the past few years. I learned a lot in this course. Even though I may not able to remember all the things that I learned, I really enjoyed it. Certainly, the toughest part is to finish all the papers and reading materials while having kids at home.
Thanks God for those who prayed for us.
Thanks God for those who looked after our kid(s) while we were having our night classes in the past few years.
Thanks God for our Professor and classmates who bore with the noise of our kid(s) (yes, sometimes we had to bring them to the class).
Thanks God for the administrative people to provide help when we brought our kid(s) to attend the classes.
Thanks God that He helped me to re-arrange my shift work schedule well that fitted for me to take most of the classes.
Last but not the least, Thanks Bear for walking with me through this course!

What will be the next? God knows, not me...

終於完工

在Sep 13,2007 我寫了一篇blog記錄了BB弄壞了Bear嘅揚聲器高音部分，之後又在Oct 12, 2007 寫了Bear ordered 了零件去安裝。終於在Sep 19,2009 (yes, 2 yrs later), Bear完成了安裝工作。想不到已經兩年之久，日子過得真的很快。

Fixing the speaker

Links to the old blog:
http://beebear00.blogspot.com/2007/09/bear.html
http://beebear00.blogspot.com/2007/10/bear.html

講話。。"阿門"。。食"mum mum"

Enoch 已經14 個月大，不過他仍未識得叫 daddy 同埋叫媽咪。由於他太為食，較早前當佢見到自己啲飯仔時，他間中會講"mum mum"，意思是食"mum mum"。除此之外，他不肯學講其他字。但這兩天，當我同他祈禱謝飯之後，又或者祈禱瞓覺之時，他最後居然會講"阿門"。
過去與他經過一年嘅禱告，我諗他實在聽了"阿門"已經很多次，他終於領會到。我實在很開心。比起他叫"媽咪" 更開心更難得。

等我第日大過

近一段日子，BB都會講以下嘅說話：
BB：媽媽，等我第日大過咗，你同daddy矮咗，我同

細佬高咗時，我會幫你地沖涼，刷牙，講故仔俾你地聽。。（平時佢講這句話時，沒有包括講故仔）。
我：哦，你會講故仔俾我地聽？
BB：係呀，或者細佬講俾daddy聽；我講俾你聽啦！

作為一個嘅媽咪，我當然唔想自己老咗要嗰女照顧我，加重佢嘅負擔。因為又要照顧兒女又要照顧老人家，實在唔易。不過聽到她這樣說，當然心都甜晒啦。

預備開學

早一個星期，BB 開始發現已經到了八月尾，她就十分興奮。她問 "Is it Sep coming soon? Summer is gone and Fall is coming, right?" "Is it time for preschool and AWANA?"　真醒目，知道Sep就可以返學及去AWANA，她就很高興 jumping around. 一到了九月，她就問返學未？

Bear 同我講要調較起床時間，預備返學。當我們還未開始作任何 adjustment 之時，在過去嘅數天，BB 已自動調較起床時間，每天天未光或者早於她平常起床嘅時間，她已經自己起床。有時，佢會叫醒我，話我知佢瞓醒咗；有時佢自己走咗落廳睇書同埋coloring。當我起床時，她就問 "我哋今日去邊？係咪去 preschool 呀？" 其實我已講了很多次，她下星期三才要返學，但她每天仍會問一次。而到了晚飯時，她又會問 "係唔係去 Awana?" 其實睇見佢咁期待，我也很開心。不過唔知將來當她面對考試及做功課時，是否仍然咁期待返學呢？
我成日同佢講小朋友唔應該瞓咁小時間（她遲遲不願上床，一早便嚷著要起床）。她說她唔鍾意瞓覺，想要去玩。In a way, 她真的很似我。我少時也不喜歡瞓覺，覺得瞓覺係浪費時間。


　

My patient

During the last hour before I came off from my work yesterday, the surgeon V came to see my patient S. Surgeon V got the MRI blood vessels imagine of my patient S's leg. He inspected my pt's leg and wound. Then, he started to shake his head and talked soft voice to me and my team leader. S sensed that it must be something not good. Then, the surgeon V showed S the MRI image and told him what happened to his leg. V told S that all the 3 main veins were blocked that causing no blood circulation to help the healing of S's foot. Then, surgeon V said that the solution may be to do another bypass or to do the above knew amputation. V told S that he would like to talk to his family before making any decision then he left S.

As a nurse of my patient, I felt really sorry for him. For sure, it is a really bad news for him to face. I stayed with him and talked to him. He started to cry...He made some phone calls and tried to arrange his son to come to see the surgeon V. Then, he sat down again, kept watching the MRI image and cried...For sure, he couldn't accept it even though he said that fact is fact.

I prayed that he would able to have a good rest last nite and I prayed that they would come up the best solution to treat the problem today. May God give me wisdom and comfort hands to encourage and to comfort him.

A car accident news

Yesterday in the early morning I heard a really bad news on my way to work. The news is about a 2-yr old girl on a stroller was killed and her mom got severe injury after crashing by a big truck. During my lunch break, I watched the TV news and I saw the girl's stroller were crashed into pieces. I couldn't imagine how that girl would end up be...
When I heard this news from the radio, my tears came even though I don't know the victims.
I just felt very upset and very sorry to that family. I can't imagine how that mom faces this tragedy.
I can't imagine if this happened to me.
After knowing this news, I paid even more caution to my driving on my way home after work. I don't want to be a killer and I don't want to be a victim as well.

我靚唔靚呀？

昨晚當我們在餐廳吃晚飯時，BB 雙手在撥弄兩側的頭髮然後問：我靚唔靚呀？

她當時的確很可愛，所以我就答她：靚。

然後她又問：daddy，我靚唔靚呀？

Daddy: 靚呀，Okay呀。

BB: 我都覺得我幾靚（她繼續在撥弄兩側的頭髮）。

然後BB又繼續：我覺得你哋唔靚囉！

我：吓，我哋唔靚呀？

BB: hmm..daddy有小小靚囉；你（ mommy）唔靚，你好 “肉酸” 呀！

我：吓？

BB: 係呀，daddy靚啲，細佬最靚，你（ mommy）好“肉酸” 呀！我話俾你聽呀，你要撥好兩邊啲頭髮（她又在撥弄自己兩側的頭髮），整好啲，噉先靚啲（daddy 在偷笑，一於唔理，繼續食嘢）。

我：唔緊要啦！天父覺得我靚就得啦！

她望住我唔知點樣回應，跟住她收了聲沒有再討論這話題了。

家事

今天早上就在十多分鐘之前，我還在kitchen 預備生果給兩個小寶帶去day care, 與此同時 Bear 在樓下車房將他們送上車上，準備出門。突然從樓下傳來Bear很大的慘叫聲，跟住他仍用這慘叫巨聲急召我落樓下，與此同時傳來BB 的大哭聲，嚇得我一枝箭似的切飛落樓下看看是甚麼事，心想是否發生了意外？點解聽唔見細B 聲？我從未聽過Bear這樣大的慘叫聲，他平時在詩班練詩時很喜歡叫詩班員試唱大一百倍嘅聲音，而大家也聽過他demonstrated 共嗚聲時嘅聲浪，今次他嘅慘叫聲真如他所形容大一百倍嘅聲音之大。

當我落到樓下時，BB 哭著攬住我，而Bear 剛替EB扣好安全帶。然後Bear 則很勞氣地指著架新M5話 “花” 了。這當然是BB嘅傑作啦！我們兩車子是並排泊在車房內，當時Bear是準備同他們上我用開嘅1.6 。EB嘅seat 位正靠近M5嘅一邊，而BB嘅seat 位則靠牆。當Bear開了車門同EB上車之際，由於BB 唔聽話，她硬要從弟弟那邊上車，經過Bear嘅勸阻她仍不聽，硬要開大隻車門，結果1.6嘅門正撞在M5嘅車門上“花” 了，估唔到車子不出90日便出事，好在是小事。
Bear一响也很鍚車，有了新車他當然更緊張，小小污垢，他就要洗車，總之很小心，做好一些保護嘅措施，又教BB 唔好弄污車子，所以我也很小心唔想做罪魁。雖然他時常說唔緊要，車在外難免有損傷。話雖如此，當事情發生時他那種肉痛肉緊嘅表現立時表露出來。我諗假若我受了傷，他也未必會叫得這樣悽慘。

他嘅驚叫不單嚇親嗰女，就連我也得用上一段時間，心才平伏下來。事後他也覺得自己反應太大了！不過我亦已經settle 了嗰女後，他們才離開。

P.S. 當我寫完此blog 時，已是事發後一個半鐘了。打一篇中文嘅blog實在很花時。

Proud of BB

BB joined the ice skating lesson ( 2 nights per week and half hr each) for Jul and Aug programs at the Richmond Olympic Oval.She started her 1st class last Monday with a good start. However, during her 2nd class, she kept crawling with her friend and didn't want to stand up on her own. Therefore, we kept reminding her that she had to try standing up before her 3rd class tonite.

Tonite, we were very proud of her as she stood up on her own and was able to walk (stepping and slowly sliding) in a S-shaped line from one point to next point for quite a few times. Besides, she was able to pick up the toys without falling or sitting on the ice and she was able to balance herself when she almost fell down. We were very impressed and excited to see her big progress tonite. And she was very happy and enjoyed the game mcuh tonite. Too bad that we forgot to bring our camera.

P.S. Photos were taken during her 2nd class.

目標

早前看見友人能夠完成了他人生的心願跑完了馬拉松，心裡也很為他高興。與此同時我也在諗我人生來到這一刻又有甚麼目標想去做呢？幾個月前完成了建道嘅海外神學課程文憑，而EB又快一歲，我便要再返工。那麼除了返工，家庭及事奉外，我還可以去做些甚麼，給自己多一個前進嘅目標呢？

我想起自己有一個從小的心願。雖然現在是稍遲開始，但我也總覺得應該給予自己一個嘅機會去嘗試，起碼嘗試過努力過，才知道自己可唔可以，以致自己老咗之後不會後悔，也可以給人生多一個挑戰。這個就是我新嘅目標（暫時不便透露）。我唔知道我要花多少年日才能完成這個目標，但至少我已經開始踏出了新的一步。

滿足感！

自從EB 懂得爬行之後，我們都覺得需要買多一個gate 安放在 living room and family room 之間嘅走廊，以避免他去攪客廳那邊嘅音響及其他東西。早前已買了一個gate 作這個用途。不過，慢慢覺得那個gate 並不夠方便，所以在星期日又買了另一個gate 去取替之前個嗰。

通常安裝這類嘅東西或更大型嘅物件，都係由bear 負責。有時我也喜歡參與一份，因為我也喜歡去作一些安裝嘅工作。今次買完咗個gate 之後，Bear 帶了BB出去幫我爸爸處理一些事情，而EB又在午睡之中，所以便動了念頭自己嘗試去完成安裝。本來也有些擔心弄壞了或做得不好會被人話　（因為今次個gate 比以往嘅複雜多啲，需要安裝多一啲parts），不過…死就死吧，儘管一試，希望可以俾bear一個驚喜，又可幫他減少一份嘅task！

好開心！我可以在bear回來之前及時完成了！雖然中間也有些難處，但最終我也攪掂了。雖然只是小小的事，但好有滿足感！

Powerful teeth

前兩日洗奶咀時發現，EB 咬爛了其中一個奶咀。噉都得，佢啲牙力實太犀利！各位千祈唔好嘗試放隻手指入我嗰仔嗰口，否則後果自負，無醫藥賠。

教導＂為食豬＂

昨日收到preschool 嘅一個notice, 提及到RCMP收到消息可能會有兒童綁架嘅事會發生，所以提醒家長要教導子女，提高警覺小心陌生人。於是昨晚我便教吓嗰女。

我：如果有陌生人，你唔識佢嘅，走過嚟同你講，『小朋友，我屋企有雪糕，你要唔要呀？跟我返屋企去攞啦！』

BB : 她一聽見我講雪糕兩個字，對眼便立時發光，即刻便答我：Yes, Yes. (仲要好興奮地答我)
我眼定定望住佢，然後重複我嘅問題in both Chinese and English.

BB : Yes, I follow you. (為了食，她甚麼也肯）

我：吓？！

經過一輪嘅解釋，就連舊約聖經中Little Joe（約瑟被賣）嘅事去recall her memory，佢終於回答我 “NO”…

今早起身時，我再問她關於陌生人嘅問題，好在佢仍然識答我嘅問題。