Thursday, March 26, 2009

後果嚴重--有感而發

每逄一些朋友尤其是一些長輩級的人,見到我的仔時,就會講同一番的說話:"做咩食奶咀",繼而做同一個行動:"拎走奶咀"。以前對我嘅女係咁,而家對我嘅仔都係咁。
其實我都唔想俾個奶咀佢地,我都唔想佢地咬住奶咀咁醜怪,我都唔想俾人話我唔識做人媽咪,但係若果唔俾奶咀佢地,後果就更嚴重。

可以話細B 食奶咀係我地一手做成的。起初細B 一見奶咀就推走,當我地勉強塞入去,佢就會吐出來。經過很多的嘗試,才能成功使佢食奶咀。點解要這樣做?原因係佢喜歡食手指。要戒除食手指的惡習比起戒除奶咀更難,而且牙醫話食手指會傷害牙齒,所以我地寧願他食奶咀。更大的問題係細B 除了鍾意食手指外,更喜歡將任何見到摸到的東西放進咀裡。每當細B 的奶咀離口,佢所抓住的東西(不論是他腳上的鞋,或是我的手臂,鋪地的mat)不用數秒便到咀裡去,無一幸免。就算我有幾想去保持佢身邊的東西清潔,根本也是不可能。除非天父賜給我多幾對手,隨時預備工具清潔。所以唯有俾奶咀,才可減少他亂放嘢入咀的機會。
大家請見諒吓人地為人父母的苦心啦!唔好見到唔順你眼嘅嘢,就要別人作出犧牲,就要別人遷就你對眼,遷就你的睇法,請先了解事情的真相。記住用奶咀並不是罪!

以下這兩張相片是幾星期前,當細B 的奶咀離口後,這本書的四角即被咬爛(要知道這是一本新的書,開封才過幾天),所以後果嚴重!



Wednesday, March 25, 2009

Memorize AWANA bible verses

小玩意


上星期五 BB 不用去 AWANA,於是又同她一齊做了一些新的小玩意 "shrink art"。我自己也玩得很開心,尤其是睇見啲圖案一個個在 oven 裡變形及縮細時,真的很得意。

Wednesday, March 18, 2009

奇想

上星期四又係得我一個看住兩個小朋友(每逢星期四 Bear 都要返choir),所以又要諗活動來打發BB 嘅時間,於是我哋又一齊砌圖。砌了好幾幅圖之後,我突發奇想,要求BB 一齊將所有 盒裝嘅puzzles砌完,然後影相留念。雖然相中只有十幅圖,但實情那晚我哋一齊砌了大概十三、四幅圖。原因係在我有這奇想之前,我哋已經完成了好幾幅圖,然後又拆了,所以又要重新砌過才可影相。那些圖其實對我哋已經沒有甚麼難度,因為已經砌了無數次,但估唔到經過一輪搏命地蹲在地上的砌呀砌,我們都弄得非常的疲倦。而且攪到 BB 遲了瞓覺。下次去為突發嘅奇想勞力時,也要考慮吓時間。。。

Friday, March 6, 2009

Puzzle time


在三月二日,終於開了一盒一百塊的砌圖給BB砌(副puzzle買了好耐)。首先我同佢一齊砌了第一次。第二次她便自己砌,我從旁作小小的引導,她就大概用了 30 分鐘完成了這幅 Hello Kitty 砌圖。之後這幾天她每日也砌一次。
















Stand up

Two days ago, EB stood up by himself by grabbing the bedside rails. Thanks God that we just adjusted the bed from the top down to medium height level in the early of this week. Otherwise, he might fall down.