記得從他六個月後肯瞓自己張BB床開始，我就擺了好幾隻可愛嘅公仔在床尾，一方面點綴一吓，另一方面就當給他幾個伴。不過佢都沒有甚麼攬公仔嘅習慣，亦冇抗拒，只係偶然攬吓或者玩吓。我諗或者因為佢係男仔卦！
不過，唔記得咗幾時開始，佢開始好鍾意將床上嘅玩意同埋公仔拋晒出床，攪到我要成日同佢執。由那時開始我就將佢床上嘅公仔全部攞走，放在床側邊張椅上。間中我又會攞隻公仔同佢玩吓，但佢都有點抗拒，所以跟住一直佢都冇再玩那些公仔。
不過又唔知從幾時開始，佢又開始攪吓啲公仔，慢慢佢仲開始攬公仔瞓覺。不過在咁多公仔裡面，佢對藍色bear bear是情有獨鍾，其次就係隻橙色加州bear bear。
近幾晚我都整蠱佢，專登攞其他公仔俾佢，佢都擰晒頭，甚至開始有啲唔耐煩。跟住我一攞出藍色bear bear，佢就當搪笑晒。有時又將隻藍色bear bear攞高，扮俾佢但佢又攞唔到，佢嗰種想要嘅表情，真係好攪笑。
尋晚心血來潮想同佢嘅藍色bear bear影張相，於是便諗住從佢手上攞過來。點知佢以為我想搶佢隻bear，所以佢就攬實，仲要轉埋身唔俾我攞，總之就笑死我。不過佢最後都肯俾我攞去影相，跟住我就快快趣趣俾番佢瞓覺！
No comments:
Post a Comment