Read the map

每晚我哋同BB瞓時，都會講Bible Story。自從細B出世後，大部份時候都由Bear講故仔。最幾日當我同BB講故仔時，佢揀了Bible裡的一幅地圖。我同佢講媽媽唔識講地圖，佢堅持話要講。但我都未開口，佢就將那些地方讀了一次給我聽。全部啱哂！
我：你好叻呀！媽媽都唔識。
BB：我識小小啦，daddy 教我啫。
我：你點樣認得嗰D地方？你認字或是認圖晝或是認位置？
BB望住我，唔識答。我諗我問嘅問題太深了。

之後我問Bear教了她多久。他話只講過幾次啫。我心諗只講幾次就識，唔係咁叻呀！我讀了Bible 也不少次，睇Bible嘅地圖也很多，但我也從不能認出以色列地圖上那些地方所在。都唔知係自己蠢，定係佢叻！我諗都係自己蠢啦！
諗番自己讀書時，其實地理係自己最唔鍾意嘅科目之一，但偏偏我又選修了地理，幸而在會考時無肥佬啫。